dp
Wia dis foto come from, Olu Jacobs
Read am in 3 mins
Nigerian legendary actor, Olu Jacobs don die at di age of 84
Na di family announce am for social media early Wednesday morning.
“Na wit gratitude to God for life well live and fought, dat we announce di passing of our dear husband, father, grandfather and uncle. The Lion of Lufodo. Oludotun Baiyewun Jacobs (MFR).
Olu Jacobs bin appear for British television for di 1970s bifor e begin film production for Nigeria for di 1980s.
Di veteran Nollywood actor die at di age of 84, afta e leave a good screen experience.
Olu Jacobs bring different dimension wey include extensive stage and international experience, different characters and career wey cross Nigerian and British entertainment.
Di family wey announce im death on Wednesday, 16 September 2026, describe am as “Di Lion of Lufodo”.
E survive by Joke Silva and dia children and grandchildren.
For 2021, inside interview wit tori pesin, Chude Jideonwo, di popular actress say her husband dey battle wit “Dementia wit Lewy body.”
Dis na di first time she go speak about her husband health for public.
Silva say her husband don dey battle with di sickness wey dey affect di brain for years now.
Profile of Olu Jacobs
Oludotun Baiyewun Jacobs born on 11 July 1942.
E train for Royal Academy of Dramatic Art for London before e begin career wey take am from British television and international films to becoming one of Nollywood defining actors.
E appear for more than 100 films and receive several honours, including African Movie Academy Award for Best Actor in a Leading Role for 2007 and di national honour of Member of di Order of di Federal Republic for 2011.
Together with im wife, actress Joke Silva, e establish Lufodo Group and Lufodo Academy of Performing Arts.
For recent years, Jacobs live with Lewy body dementia, a condition wey keep am away from di active movie scene. Rumours of im death circulate several times, including for 2021 and 2024, but im family confirm say e dey alive.
Olu Jacobs come from Egba Alake. E spend im early childhood for Kano and attend Holy Trinity School, wia e dey part of debating and drama societies.
E get inspiration to try acting when e attend one of Chief Hubert Ogunde annual concert parties for Colonial Hotel for Kano.
Afta dat, e get visa and travel go England to study acting.
E start im career by acting for several British television series and international films.
Olu Jacobs train for The Royal Academy of Dramatic Arts for England.
E work wit different repertoire theatres for Britain and act for some international movies.
For 2007, Jacobs win Africa Movie Academy Award for Best Actor in a Leading Role.
E receive Industry Merit Award for outstanding achievement in acting for di 2013 Africa Magic Viewers’ Choice Awards, and MAA Lifetime Achievement Award for 2016.
For 2011, dem give am national honour of Member of di Order of di Federal Republic.
Jacobs marry im fellow Nollywood actor Joke Silva since 1989.
Wia dis foto come from, Screenshot
Dis article contain content wey Instagram provide. We ask for una permission before anytin dey loaded, as dem fit dey use cookies and oda technologies. You fit wan read di Instagram cookie policy and privacy policy before accepting. To view dis content choose ‘accept and continue’.
Warning: Di BBC no dey responsible for di content of external sites.
End of Instagram post
